Monthly Archives

December 2018

Lífland styrkir Neistann

By | Fréttir

Í stað þess að senda jólagjafir eins og Lífland hefur gert um árabil var ákveðið í ár að láta andvirði gjafa og sendingarkostnaðar renna til Neistans, styrktarfélags hjartveikra barna og styrkja þannig gott málefni. Fríða Björk Arnardóttir framkvæmdastjóri Neistans, tók á móti framlaginu til félagsins frá Þóri Haraldssyni forstjóra Líflands.

Hjartans þakkir fyrir okkur Lífland !

Styrkur starfsmanna Norðurbergs

By | Fréttir

Í desember á hverju ári eru starfsmenn leikskólans Norðurbergs með vinaviku þar sem þau draga út leynivin og gera vel við hann í orði og litlum glaðningum. Í lok vinaviku var hefðin að gefa fallega lokagjöf með ákveðna upphæð í huga. Síðastliðin ár hafa þau gefið félagasamtökum sem hlúa að börnum, andvirði jólagjafarinnar. Í  ár varð Neistinn, styrktarfélag hjartveikra barna fyrir valinu. Leikskólinn bauð framkvæmdarstjóra félagsins Fríðu Björk Arnardóttur og dóttur hennar Maríu Dís Gunnarsdóttir, til þeirra til að taka við 58.000 kr. gjöf fyrir starfsemi þeirra. Á myndinni má sjá Fríðu, Maríu Dís og Björgvin Unnar hjartastrákur, sem er á leikskólanum Norðurbergi.

Hjartans þakkir fyrir okkur og gleðileg jól.

Landsnet styrkir Neistann

By | Fréttir

Í liðinni viku fékk Neistinn veglegan styrk frá Landsneti en í stað þess að senda jólakort ákváðu þau að styrkja okkur í staðinn.

Við erum Landsneti hjartanlega þakklát og óskum stjórnendum og starfsfólki þeirra gleðilegra jóla.

 

Norrænu sumarbúðirnar 2019

By | Fréttir, Unglingastarf

Sumarbúðir norrænna hjarta-unglinga, 14 – 18 ára (sem fæddir eru 2001 -2005), verða á Íslandi næsta sumar.

Búðirnar standa yfir dagana 19. – 26. júlí 2019.

 

Þeir sem hafa áhuga á að taka þátt hafi samband við Neistann í síma 899-1823 eða sendi tölvupóst á neistinn@neistinn.is.

 

Pláss er fyrir 10 unglinga.  Ath. að þeir ganga fyrir sem ekki hafa farið áður í norrænu búðirnar.

Umsóknarfrestur er til 31. janúar, 2019.

Dagatal Neistans 2019

By | Fréttir

Dagatal Neistans 2019 er komið út!

Að vanda prýða dagatalið flottar myndir af hjartabörnum á öllum aldri.

Dagatalið kostar 2.000 kr. og rennur ágóðinn óskertur til styrktar hjartveikum börnum.

Þeir sem hafa áhuga á að kaupa dagatöl geta pantað það með pósti á neistinn@neistinn.is eða í síma 899-1823 á skrifstofutíma.