Nú er eins gott að draga fram rauða pennann og setja hring um nokkra daga á almanakinu. Það stefnir í sérstaklega skemmtilegt vor hjá okkur.
Árshátíð foreldra/aðstandenda
Nú er bara að koma að því. Eflum samstöðu aðstandenda og mætum öll á árshátíðina 9. mars á Panorama.
Flott atriði (Hera Björk, Þorsteinn Guðmundsson, Örlygur Smári o.fl.). Frábær matur.
Prís: Aðeins 3.900 kr.
Allt um árshátíðina (matseðil o.fl.) má finna hér.
Páska-BINGO !!!!!!
Hið árlega BINGO Neistans brestur á miðvikudaginn 20. mars
kl. 17 – 19. Spilað verður í Seljakirkju. Bingóin eru fyrir alla fjölskylduna og er alltaf sérstaklega góð stemning á þeim og vel mætt.
Fullt, fullt af flottum vinningum!
Svo gæðum við okkur á dýrinds pizzum að bingói loknu.
Sumarhátíðin
Sumarhátíð Neistans verður á sínum stað. Á sumarhátíðunum hafa menn eytt bróðurparti dags í hópi félagsmanna, skemmt sér við leiki alls kyns og notið veitinga saman.
Meira um hátíðina þegar nær dregur.
Norrænu sumarbúðirnar – opið fyrir umsóknir
Sumarbúðir norrænna hjartveikra unglinga, 14 – 18 ára (fædd 95 -99), verða í Noregi að þessu sinni dagana 20. – 27. júlí 2013.
Þeir sem hafa áhuga á að fara í sumarbúðirnar er bent á að hafa samband við Guðrúnu Bergmann á skrifstofu félagsins í síma 552 5744 eða senda tölvupóst á neistinn@neistinn.is.
Umsóknarfrestur er til 31. mars, 2013.
