Mömmuklúbbur

Hjartamömmur hittast að lágmarki einu sinni í mánuði í og spjalla saman um heima og geima og borða allskyns mishollt gúmmelaði

“Við deilum reynslu, styðjum, hvetjum, skemmtum okkur og erum til staðar fyrir hver aðra”

Hlaupahópur

Út frá mömmuhópnum okkar hefur myndast hlaupahópur, þar erum við duglegar að hvetja hver aðra og hlaupa saman – og árið 2015 tókum við í fyrsta skipti þátt sem hópur í Reykavíkurmaraþoninu! Eftir það bættust heill hellingur af hlaupum og samveru við!

Endilega kíkið á hópana okkar og kynnið ykkur málið  😉 

Hvernig varð mömmuhópurinn til?

“Við vinkonurnar kynntumst allar í gegnum veikindi barnananna okkar. Við hittumst og spjöllum reglulega, höfum hjálpast að í gegnum sjúkrahúslegur ofl og erum hálfgerður saumaklúbbur! 
Eina helgina sem við hittumst allar saman,  skemmtum okkur yfir góðum umræðum og mat, fundum við hvað þessi vinskapur okkar var orðinn ómissandi.  Ég kom úr Keflavík, Helga kom alla leið frá Akureyri, Dagmar Bjork úr Hveragerði og Katrín er í stórborginni – við hjartamömmurnar erum alls staðar!

Út frá þessu kvöldi stofnuðum við grúppu hér á fésbókinni fyrir hjartamömmur – okkur fannst þessi jafningastuðningur vera nauðsynlegur, og greinilega fleirum – en við erum að detta í 100 meðlimi, allt núverandi eða verðandi mæður hjartabarna- og engla. 

Þetta er vettvangur fyrir spjall, til að kynnast öðrum í svipuðum sporum og styðja hvor við aðra. Okkur stöllum hefur amk þótt ómetanlegt að geta leitað til hver annarrar hvort sem það tengist börnunum okkar, hlaupum eða menningarnótt!”

– Sandra Valsdóttir