2022

Guðrún Kristín varaformaður Neistans.

Mín fyrstu kynni af Neistanum eru fyrir 20 árum síðan þegar systir mín fæddist með hjartagalla og fór beint til Boston í aðgerð.

Eftir það gengum við fjölskyldan í félagið og tókum þátt í allskyns afþreyingu og samverustundum á vegum þeirra sem gefur hjartabörnunum og fjölskyldum þeirra svo mikið.

Sjálf á ég þrjú yndisleg börn sem eru öll með mismunandi hjartasjúkdóma sem og stjúpdóttir mín líka.

Gegnum tíðina hefur Neistinn staðið okkur sem næst og erum við ævinlega þakklát fyrir allt það starf sem Neistinn stendur fyrir.

Ég hlakka til komandi tíma með Neistanum og öllu því skemmtilega sem er á döfinni með öllum yndislegu hjartabörnunum okkar.

Ég heiti Jónína Sigríður Grímsdóttir, kölluð Ninna.

Ég er mamma 7 ára hjartastráks sem heitir Björgvin Unnar.

Ég kynntist Neistanum í gegnum hans hjartagalla og við fjölskyldan tókum strax virkan þátt í starfinu sem er búið að halda vel utan um bæði okkur foreldrana og hann.

Mér langaði að ljá starfinu krafta mína eftir að kona mín var búin að sitja í stjórn í tvö ár. Núna er ég að hefja 4 árið mitt í stjórn fyrst sem ritari og núna Formaður.

Ég er mjög spennt fyrir komandi tímum.

Nýr framkvæmdastjóri hefur tekið við stýrinu á skriftstofu Neistans.

Fríða Björk Arnardóttir hefur tekið við stöðu framkvæmdastjóra Neistans af Ellen Helgu Steingrímsdóttur sem sinnt hefur starfi framkvæmdastjóra síðustu ár ásamt Söru Jóhanna Jónsdóttir sem leysti hana af í veikindaleyfi.

Neistinn þakkar þeim frábært starf í þágu félagsins á heldur erfiðum tímum sem eru nú að baki og betri tíð tekur við þar sem Neistinn getur verið enn virkari.

Fríða er Neistanum heldur betur kunnug enda hefur hún áður starfað fyrir félagið bæði í stjórn þess og síðar sem framkvæmdastjóri. Hún mætir aftur tvíefld, með mikla reynslu í farteskinu og háleit markmið fyrir starf Neistans.

Neistinn býður hana velkomna til starfa!

Jónína Sigríður Grímsdóttir, formaður Neistans

Aðalfundur Neistans fór fram  þann 18. maí síðastliðinn.

Kosið var í  6 sæti stjórnar auk formanns.

Ragna Kristín Gunnarsdóttir og Sara Jóhanna Jónsdóttir gáfu ekki kost á sér áfram en Neistinn þakkar þeim kærlega fyrir störf þeirra í þágu félagsins.

Jónína Sigríður Grímsdóttir var kjörinn formaður og í stjórn félagsins sitja nú:

• Jónína Sigríður Grímsdóttir– formaður
• Anna Steinsen – meðstjórnandi
• Elín Eiríksdóttir – meðstjórnandi
• Guðrún Bergmann Franzdóttir– meðstjórnandi
• Guðrún Kristín Jóhannesdóttir– meðstjórnandi
• Hrafnhildur Sigurðardóttir – meðstjórnandi
• Katrín Björgvinsdóttir– meðstjórnandi

Neistinn er heppinn að fá slíkar kraftmiklar kjarnakonur til liðs við sig og við hlökkum mikið til komandi tíma með þessari öflugu stjórn. Skipað verður í hlutverk stjórnar í júní.

Ellen Helga Steingrímsdóttir, framkvæmdastjóri félagsins, hefur látið af störfum.

Neistinn þakkar Ellen fyrir þann tíma sem hún starfaði fyrir félagið og óskar henni velfarnaðar í framtíðinni.

Það eru örfá pláss laus eftir í sumarbúðir norrænna hjartaunglinga verða haldnar í Danmörku vikuna 24. – 31. júlí 2022. Boðið verður upp á metnaðarfulla dagskrá þar sem áhersla er lögð á að allir fái að njóta sín og blómstra. Undanfarin ár hefur verið dýrmætt að fylgjast með unglingunum mynda traust jafningjasambönd í sumarbúðunum.

Fyrir hverja:

Sumarbúðirnar eru fyrir 14-18 ára unglinga (fæddir eru 2004-2008) með meðfædda hjartagalla. Í heildina taka 50 unglingar þátt en þeir koma frá Íslandi, Danmörku, Svíþjóð, Noregi og Finnlandi. Í sumarbúðunum verður starfandi hjúkrunarfræðingur auk þess sem hvert land sendir 2 farastjóra út með krökkunum.

Arnar Þór Hjaltested og Margrét Ásdís Björnsdóttir verða farastjórar í ferðinni og munu halda vel utan um hópinn.

Skráning:

Þeir sem hafa áhuga á að skrá sig í Norrænu sumarbúðirnar eru beðnir um að hafa samband við Neistann með því að hringja í síma 899-1823 eða með því að senda tölvupóst á netfangið neistinn@neistinn.is.

Facebook hópur unglingastarfsins

Aðalfundur Neistans verður haldinn miðvikudaginn 18. maí klukkan 20:30 á skrifstofu félagsins Borgartúni 28a

Dagskrá:
1. Kosning fundarstjóra og ritara
2. Skýrsla stjórnar
3. Reikningar félagsins lagðir fram
4. Reikningar Styrktarsjóðs hjartveikra barna lagðir fram
5. Ákvörðun félagsgjalds
6. Kosning skoðunarmanns reikninga
7. Kosning formanns*
8. Kosning stjórnar**

*Kosið verður í sæti formanns til tveggja ára.
**Kosið verður í 3 sæti í stjórn til tveggja ára og 3 sæti í stjórn til 1 árs.

Þeir sem hafa áhuga á að bjóða sig fram eru beiðnir um að láta vita eigi síðar en 5 dögum fyrir aðalfund með því að senda tölvupóst á netfangið neistinn@neistinn.is.

Helgina 30. apríl til 1. maí býðst systkinum hjartabarna að sækja grunnnámskeið sem Umhyggja í samstarfi við Systkinasmiðjuna stendur fyrir. Hópurinn hittist laugardaginn 30. apríl og sunnudaginn 1. apríl.

Námskeiðið er niðurgreitt að stórum hluta og þátttakendur greiða aðeins 3500 krónur. Greiðsluseðill er sendur í heimabanka forráðamanns eftir að skráning á sér stað.

Skráning á námskeið

Fyrir hverja?
Systkinasmiðjan er með námskeið fyrir krakka á aldrinum 8-12 ára sem eiga það sameiginlegt að eiga systkini með sérþarfir.

Markmið:
Námskeið Systkinasmiðjunnar eiga að hjálpa börnum við að tjá sig um reynslu og upplifun sína af því að eiga systkini með sérþarfir.

Markmið námskeiðsins er að veita systkinunum:

• Tækifæri til að hitta önnur systkini í skipulögðu og skemmtilegu umhverfi.
• Tækifæri til að ræða við jafnaldra sína á jákvæðan hátt um margt sem tengist því að eiga systkini með sérþarfir.
• Innsýn í það hvernig megi takast á við þær margbreytilegu aðstæður sem fylgja því að eiga systkini með sérþarfir.
• Tækifæri til að læra meira um fötlun eða veikindi systkina sinna.

Hvenær:

Fyrsta námskeiðið verður haldið 30. apríl – 1. maí á Háaleitisbraut 13.

Framhald:

Framhaldsnámskeið fyrir þá sem komu grunnnámskeið seinasta haust er fyrirhugað í júní og verður auglýst bráðlega. Einnig er fyrirhugað að búa til unglingahóp fyrir 13-15 ára. Áhugasamir um slíkt eru beðnir um að hafa samband við skrifstofu umhyggju með því að senda tölvupóst á netfangið info@umhyggja.is eða hringja í síma 552-4242.