Ég heiti Elín Eiríksdóttir, mamma Hákons Torfa hjartastráks sem er alveg að verða 8 ára.
Neistinn tók á móti okkur þegar hann fæddist og fylgdi okkur fyrstu skrefin þangað til við náðum áttum í nýjum heimi.
Ég var komin í stjórn Neistans nokkrum mánuðum seinna og er komin aftur eftir nokkurra ára hlé.
Mér finnst frábært að geta gefið til baka fyrir frábæra félagið okkar sem styður svo vel við hjartabörn og fjölskyldur þeirra.
Nú er loksins komið að því eftir tveggja ára bið! Það er hægt að hlaupa fyrir Neistann í Reykjavíkurmaraþoninu 2022.
Neistinn leitar eftir ofurhugum til að hlaupa fyrir ofurhetjurnar okkar! Reykjavíkurmaraþonið er helsta fjáröflunarleið Neistans ár hvert og hafa fjölmargir hlaupið fyrir félagið í gegnum tíðina, svo núna leitum við eftir flottu fólki til að skrá sig inná hlaupastyrk og safna áheitum!
https://www.rmi.is/hlaupastyrkur/godgerdamal/394-neistinn-styrktarfelag-hjartveikra-barna
Neistinn lofar fjörugri hvatningarstöð á hlaupadegi, einnig verður Neistinn með aðstöðu til að afhenda hlaupagöng á Fit and Run Expo tveimur dögum fyrir hlaup.
Okkur hlakkar mikið til að hitta alla þá flottu hlaupara sem ætla að standa við bakið á Neistanum!
Ég heiti Hrafnhildur Sigurðardóttir og kynntist Neistanum þegar ég eignaðist son minn Sigurstein Nóa sem er að verða 13 ára í sumar.
Eftir að hafa notið og tekið þátt í því starfi sem Neistinn hefur uppá að bjóða ákvað ég að leggja fram krafta mína og gefa tilbaka.
Neistinn hefur reynst okkur fjölskyldunni mjög vel en við hjónin eigum þrjú börn ,og þar af tvo hjartaprinsa, sem hafa notið góðs af starfi Neistans.
Það er mér mikill heiður að fá að starfa í stjórn Neistans sem ritari félagsins.
Ég heiti Katrín Brynja Björgvinsdóttir og er gift Eyþóri. Við eigum saman 3 börn.
Guðrún Kristín varaformaður Neistans.
Mín fyrstu kynni af Neistanum eru fyrir 20 árum síðan þegar systir mín fæddist með hjartagalla og fór beint til Boston í aðgerð.
Eftir það gengum við fjölskyldan í félagið og tókum þátt í allskyns afþreyingu og samverustundum á vegum þeirra sem gefur hjartabörnunum og fjölskyldum þeirra svo mikið.
Sjálf á ég þrjú yndisleg börn sem eru öll með mismunandi hjartasjúkdóma sem og stjúpdóttir mín líka.
Gegnum tíðina hefur Neistinn staðið okkur sem næst og erum við ævinlega þakklát fyrir allt það starf sem Neistinn stendur fyrir.
Ég hlakka til komandi tíma með Neistanum og öllu því skemmtilega sem er á döfinni með öllum yndislegu hjartabörnunum okkar.
Ég heiti Jónína Sigríður Grímsdóttir, kölluð Ninna.
Ég er mamma 7 ára hjartastráks sem heitir Björgvin Unnar.
Ég kynntist Neistanum í gegnum hans hjartagalla og við fjölskyldan tókum strax virkan þátt í starfinu sem er búið að halda vel utan um bæði okkur foreldrana og hann.
Mér langaði að ljá starfinu krafta mína eftir að kona mín var búin að sitja í stjórn í tvö ár. Núna er ég að hefja 4 árið mitt í stjórn fyrst sem ritari og núna Formaður.
Ég er mjög spennt fyrir komandi tímum.
Nýr framkvæmdastjóri hefur tekið við stýrinu á skriftstofu Neistans.
Fríða Björk Arnardóttir hefur tekið við stöðu framkvæmdastjóra Neistans af Ellen Helgu Steingrímsdóttur sem sinnt hefur starfi framkvæmdastjóra síðustu ár ásamt Söru Jóhanna Jónsdóttir sem leysti hana af í veikindaleyfi.
Neistinn þakkar þeim frábært starf í þágu félagsins á heldur erfiðum tímum sem eru nú að baki og betri tíð tekur við þar sem Neistinn getur verið enn virkari.
Fríða er Neistanum heldur betur kunnug enda hefur hún áður starfað fyrir félagið bæði í stjórn þess og síðar sem framkvæmdastjóri. Hún mætir aftur tvíefld, með mikla reynslu í farteskinu og háleit markmið fyrir starf Neistans.
Neistinn býður hana velkomna til starfa!
Jónína Sigríður Grímsdóttir, formaður Neistans
Aðalfundur Neistans fór fram þann 18. maí síðastliðinn.
Kosið var í 6 sæti stjórnar auk formanns.
Ragna Kristín Gunnarsdóttir og Sara Jóhanna Jónsdóttir gáfu ekki kost á sér áfram en Neistinn þakkar þeim kærlega fyrir störf þeirra í þágu félagsins.
Jónína Sigríður Grímsdóttir var kjörinn formaður og í stjórn félagsins sitja nú:
Neistinn er heppinn að fá slíkar kraftmiklar kjarnakonur til liðs við sig og við hlökkum mikið til komandi tíma með þessari öflugu stjórn. Skipað verður í hlutverk stjórnar í júní.
Ellen Helga Steingrímsdóttir, framkvæmdastjóri félagsins, hefur látið af störfum.
Neistinn þakkar Ellen fyrir þann tíma sem hún starfaði fyrir félagið og óskar henni velfarnaðar í framtíðinni.
