Fréttir

Limsfélagar komu saman á föstudaginn til að að heiðra minningu Haraldar Bjarkasonar sem var einn af stofnfélögum félagsins og má segja að hann hafi jafnframt verið upphafsmaður þess að Limsfélagið tók upp þá stefnu að styðja við góðgerðarstarf.

Félagarnir styrktu í ár Neistann, styrktarfélag hjartveikra barna með peningagjöf að upphæð 400 þúsund kr.

Við færum Limsfélögum hjartans kveðju fyrir styrking og óskum þeim gleðilegra hátíðar ♥

Hó Hó Hó. Nú minnum við á JóLABALLIÐ. Allir þurfa að vera klárir sunnudaginn 8. desember, kl. 14 – 16 að mæta í safnaðarheimili Grensássóknar.

Jólasveinninn kemur með pokann góða … æ, hvað var aftur í pokanum.
Litir og blöð öllum aðgengileg á staðnum!
Allir komi með eitthvað gott í gogginn á hlaðborð.
Drykkir og kaffi í boði Neistans.

Spilakvöld Neistans var  haldið föstudagskvöldið 8.nóvember síðastliðinn. Þetta er árlegur viðburður sem er búin að festa sig í sessi hjá foreldrum hjartabarna og félagsmönnum úr Takti. Þetta er góður vettvangur til að hittast, kynnast hvort öðru og spila saman félagsvist. Mætingin var góð og erum við strax farin að hlakka til næsta árs.

Föstudaginn 27. september kl. 18:00 hefst hjartadagsgangan í Elliðarárdalnum. Lagt verður af stað við brúnna sem er á milli gömlu rafstöðvarinnar og Toppstöðvarinnar. Göngustjórar eru starfsmenn Hjartaheilla og Neistans, styrktarfélags hjartveikra barna – þátttakan er ókeypis. Genginn verður hringur sem er rétt um 4 km.

Gétar Hermannsson og Kornelia, dóttir hans, eru íslenskir víkingar búsettir í Svíþjóð. Á hverju ári taka þau þátt í víkingahátíðum víðsvegar á Norðurlöndunum og þar með talið á Íslandi. Undanfarin ár hafa Grétar og Kornelia selt eyrnalokka með lífsins tré á víkingahátíðinni í Hafnarfirði og gefið allan ágóðann af þeim til Neistans, styrktarfélags hjartveikra barna.

Við þökkum þeim hjartanlega fyrir þeirra framlag til félagsins.

Fyrir þá sem vilja nálgast eyrnalokka er bent á að senda tölvupóst á sandravals@yahoo.com en Gretar og Kornelia geyma alltaf smá lager á Íslandi og rennur allur ágóði af þeim til Neistans.

Alþjóðlegi hjartadagurinn er haldinn 29. september ár hvert en það er Alþjóðahjartasambandið (World Heart Federation) sem hvetur aðildarfélög sín um allan heim til að halda upp á Hjartadaginn. Á Íslandi sameinast Hjartavernd, Hjartaheill, Neistinn og Heilaheill um að halda upp á daginn.

Í ár er lögð áhersla á að fólk verði hjartahetja með því að lofa sjálfum sér og öðrum að vernda hjartað sitt með einföldum breytingum fyrir hjartaheilsuna. Hvetja fólk í öllum þjóðfélagsstéttum til að sýna gott fordæmi fyrir næstu kynslóð og hugsa um hvað get ég gert núna til þess að passa hjartað mitt og hjartað þitt.

Félögin hafa haldið upp á daginn með hjartadagshlaupi og göngu um árabil í samvinnu við Kópavogsbæ sem hefur boðið þátttakendum í sund að hlaupi loknu.

Laugardaginn 28. september kl. 10:00 verður hjartadagshlaupið ræst. Boðið er upp á 5 og 10 km vegalengdir og er þátttaka ókeypis. Hlaupið verður ræst frá Kópavogsvelli og liggur hlaupaleiðin um Kársnesið. Skráning í hlaupið fer fram á www.netskraning.is, Hlaupið hefst klukkan 10:00 og flögutímataka er í hlaupinu. Notaður verður tímatökubúnaður frá Tímataka.net og verða verðlaun veitt fyrir efstu sæti auk útdráttarverðlauna. Frjálsíþróttadeild Breiðabliks sér um framkvæmd hlaupsins. Þegar úrslit liggja fyrir verður hægt að sjá þau á heimasíðum félaganna, timataka.net og á hlaup.is.

Föstudaginn 27. september kl. 18:00 hefst hjartadagsgangan í Elliðarárdalnum. Lagt verður af stað við brúnna sem er á milli gömlu rafstöðvarinnar og Toppstöðvarinnar. Göngustjórar eru starfsmenn Hjartaheilla og Neistans, styrktarfélags hjartveikra barna – þátttakan er ókeypis. Genginn verður hringur sem er rétt um 4 km.

Oft er hægt að koma í veg fyrir hjartasjúkdóma og ótímabær dauðsföll með markvissri hreyfingu og að tileinka sér heilbrigðan lífsstíl.

Hreyfðu þig! Hreyfing þarf ekki að vera bundin við íþróttir eða líkamsrækt og getur verið margs konar, eins og við heimilisstörf, garðvinnu eða einfaldlega að fara út og leika við börnin. Settu þér raunhæf markmið, ekki byrja á því að klífa fjall eða hlaupa maraþon, þú byggir upp þrek og þol smám saman.

Borðaðu hollt! Takmarkaðu neyslu á unnum matvörum sem oft innihalda mikinn sykur, salt og mettaða fitu. Gerðu holla matinn spennandi fyrir börnin, berðu fram litríkan mat eins og ávexti og grænmeti og láttu þau aðstoða við matargerðina. Leiddu hugann að skammtastærðum, notaðu minni matardiska og leyfðu grænmetinu og ávöxtunum að taka mesta plássið.

Segðu NEI við tóbaki! Hafðu reykingarlaust umhverfi. Fræddu börnin þín um skaðsemi tóbaks til að hjálpa þeim að velja líf án tóbaks. Til eru ýmsar leiðir til að hætta að reykja og stundum þarf að leita til sérfræðings.

Hjartaþræðingardeild Landspítalans fær gjöf frá Jónínusjóðnum

Nýtt hjartaþræðingartæki var tekið í notkun hjá hjartaþræðingardeild Landspítala við Hringbraut, 13.september.  Með því er 11 ára gamalt tæki endurnýjað og hefur deildin nú yfir að ráða þremur fullkomnum þræðingartækjum sem öll hafa verið keypt á síðustu fimm árum. Nýja tækið mun nýtast við fjölþætt inngrip, þar á meðal fyrir börn með hjartagalla.

Gjafa- og styrktarsjóður Jónínu S. Gísladóttur styrkti kaupin á tækinu.

Jæja núna þegar allt er að smella í rútínu og svona er ekki tilvalið að hnoða í fyrsta hjartamömmuhittingi vetrarins?

Allar hjartamömmur velkomnar í höfuðstöðvar Neistans í húsi SÍBS Síðumúla 6 kl 20:00 þann 4. september 2019.

Hver kemur með eitthvað til að maula á ef hún hefur tök á, ekkert vera að henda í 10 sortir fyrir hittinginn.

Annars ætlum við bara að hafa það notalegt saman, ræða um börnin okkar eða bara allt hitt, líka velkomið að mæta bara og hlusta og sjá okkur hinar 🙂

Hlökkum til að sjá sem flestar ♥