Fréttir

Nú styttist heldur betur í Reykjavíkurmaraþonið sem mun fara fram þann 24. ágúst n.k.

Skráningarhátíðin er í fullu fjöri í  Laugardalshöllinni, og við hvetjum alla til að koma við hjá okkur þegar þeir sækja númerin sín!

Reykjavíkurmaraþonið hefur verið ein af okkar stærstu fjáröflunarleiðum undanfarin ár, og skiptir félagið mjög miklu máli en um 70 börn á ári greinast á Íslandi  með hjartagalla. Við erum endalaust þakklát öllum hlaupurunum okkar og öllum sem hafa hvatt þá áfram og heitið á, og með  því styrkt við starf félagsins

Til þess að sýna þakklæti okkar gefum við öllum hlaupurum Neistans dry-fit bolimerkta félaginu, á meðan birgðir endast.

Fjöldinn allur af flottu fólki ætlar að hlaupa fyrir Neistann í ár og bætist sífellt á listann!

Við viljum hvetja alla hlaupara til að minna á sig, og nota “hashtöggin” #Neistinn #ÉghleypfyrirNeistann, #skiptirekkimáliámeðanþúklárar og #Reykjavikurmarathon

Og eins og áður verður Neistinn með skemmtilega hvatningarstöð  á hlaupaleiðinni við JL húsið sem við að sjálfsögðu hvetjum alla til að mæta á og hvetja hlauparana okkar!

Hér er hægt að skoða hlaupara Neistans og heita á þá – ÁFRAM NEISTINN!

Lokað vegna sumarleyfa.

Skrifstofur Neistans og Hjartaheillar verða lokaðar 1. júlí til og með 5. ágúst 2019. Hægt verður að hafa samband í síma 899-1823 ef eitthvað kemur upp á þessum tíma.

GLEÐILEGT SUMAR

Sumarhátíð Neistans verður haldinn í Björnslundi í Norðlingarholti miðvikudaginn 12.júní frá 17:00-19:00.

Dróttskátar úr skátafélaginu Skjöldungum verða á svæðinu og munu þeir poppa á eldi og vera með snúrubrauð. Hoppukastalinn góði verður á svæðinu og auðvitað kemur ísbílinn og gefur öllum börnum ís ( fullorðnir mega kaupa 🙂 )

Verðum með ratleik þar sem hægt er að vinna flottan vinning, grillum pylsur og skemmtum okkur saman.

Hlökkum til að eiga góðan dag með ykkur ♥

Í dag eigum við afmæli !

Til hamingju við öll með 24 ára afmæli Neistans   

Hið árlega BINGÓ Neistans brestur á miðvikudaginn 10. apríl
kl. 17 – 19, í safnaðarheimili Grensáskirkju, háaleitisbraut 68.

Bingóið er fyrir alla félagsmenn og vini, unga og aldna og að vanda er búist við dúndur mætingu og glymrandi stemningu.

Fullt, fullt af flottum vinningum!

SPJALDIÐ KOSTAR 300,- kr. fyrir félagsmenn og 500, – kr fyrir vini.

Hlökkum til að sjá ykkur :=)

Ágætu félagsmenn í Neistanum á Norðurlandi

Föstudaginn 1. mars ætlar stjórn Neistans að koma til Akureyrar og halda spilakvöld með foreldrum hjartabarna á svæðinu og fullorðnum með hjartagalla. Stjórnin mætir með sína maka og er markmiðið að kynnast, spjalla, spila og skemmta sér saman. Spiluð verður félagsvist og eru velkomið að taka með sér drykki, bæði veika og sterka.

Kvöldið er fyrir foreldra hjartveikra bara og 18 ára og eldri sem fæddust með hjartagalla.  Hægt er að sjá meira um viðburðinn hér.

Þetta er frábært tækifæri fyrir okkur að koma saman og efla tengsl okkar við félagið.