Skip to main content

Til Keflavíkur

Ef barnið kemur beint af Barnaspítala Hringsins er það yfirleitt flutt í sjúkrabíl. Nýfædd börn eru oft í hitakassa, sem síðan er komið fyrir í flugvélinni.
Aðstandendur fara ekki með í sjúkrabílnum heldur alltaf á eigin vegum.
Ef barnið kemur heiman frá sér koma aðstandendur barninu sjálfir til Keflavíkur.

Flugið

Hvar sitjum við?
Ef líkur eru á að barnið þurfi súrefnisgjöf á leiðinni er ferðast á viðskiptafarrými enda betra að hafa gott svigrúm.  Þá kemur læknir með.

Athugið að þótt farið sé á viðskiptafarrými út, gæti verið flogið á almennu farrými heim.

Barn yngra en 2 ára:

Ef ferðast þarf á viðskiptafarrými (sjá hér að ofan) fær barnið eigið sæti.  Hægt er að hafa bílstól meðferðis og láta hann vera í sætinu en halda þarf á barninu í flugtaki og lendingu.
Ef flogið er á almennu farrými, ferðast barnið eins og önnur ungabörn og hefur því ekki eigið sæti.

Barn 2 ára eða eldra:

Barnið ferðast í eigin sæti.

Hvað eigum við að hafa með í flugið?
Mikilvægt er að muna eftir:

  • Lyfjum
  • Barnamat

Gott getur verið að taka með:

Afþreyingu fyrir barnið, t.d. bækur, leikföng, tónlist, tölvu
Lítið teppi eða sæng

Ef barnið fer með sjúkrabíl á spítalann taka sjúkraflutningamenn á móti því á flugvellinum.

Lundur

Á Kastrupflugvelli tekur leigubíll á móti aðstandendum.  Þeir fara með honum til Lundar.  Ef barnið hefur komið í hitakassa eða með sjúkrabíl á flugvöllinn er langlíklegast að barnið fari með sjúkrabíl til Lundar.  Annars fara allir saman í leigubílnum.

Boston

Ef barnið fer í sjúkrabíl af flugvellinum fara foreldrar með honum líka – a.m.k. annað.  Annars sjá aðstandendur sjálfir um að koma sér og barninu á hótel, eða á spítalann ef við á.
Þá er best að taka ‘formlegan’ leigubíl.  Í Boston eru þeir staðsettir við hornið á flugstöðvarbyggingunni ca. 100 m. til vinstri þegar komið er út.  Ekki taka bíl hjá mönnum sem hóa í þig framan við bygginguna.