Fréttir

Aðalfundur Neistans verður haldinn þriðjudaginn 29. apríl n.k. klukkan 20:00.

Fundurinn verður haldinn í húsnæði félagsins Háaleitisbraut 13, 4. hæð.

Dagskrá:

1. Kosning fundarstjóra og ritara
2.  Skýrsla stjórnar
3. Reikningar félagsins lagðir fram
4. Reikningar Styrktarsjóðs hjartveikra barna kynntir
5. Ákvörðun félagsgjalds
6. Kosning skoðunarmanns reikninga
7. Kosning stjórnar*
8. Önnur mál

*Kosið verður í 3 sæti í stjórn til tveggja ára.

Þeir sem hafa áhuga á að bjóða sig fram eru beiðnir um að láta vita eigi síðar en 5 dögum fyrir aðalfund með því að senda tölvupóst á netfangið neistinn@neistinn.is.

Við vekjum athygli á því að aðeins þeir sem eru félagsmenn og hafa greitt félagsgjöldin a.m.k. 14 dögum fyrir aðalfund hafa atkvæðisrétt.

Vikuna 7.-14. febrúar stendur yfir alþjóðleg vitundarvika um meðfædda hjartagalla

Þessa viku eykur Neistinn áherslu á fræðslu til almennings um meðfædda hjartagalla og um leið á mikilvægri starfsemi Neistans.

Einnig mun Neistinn, með traustri og mikilvægri aðstoð sjálfboðaliða og hjartavina, prjóna og gefa öllum nýburum sem fæðast þessa viku fallega, rauða húfu til að heiðra baráttu hjartveikra barna, en árlega fæðast um 70 hjartveik börn á Íslandi.

Frekari dagskrá í vitundarviku verður auglýst fljótlega

Hér er hægt er að nálgast uppskriftina af Neistahúfunni en heiðurinn af þessari fallegu húfu á Margrét Harpa hjartamamma. Húfurnar eru allar rauðar á lit líkt og einkennislitur hjartans ber. Hægt er að skila húfum til okkar með því að hafa samband í 899-1823 eða neistinn@neistinn.is.

Í síðustu viku afhentu Egill Viðarsson, framkvæmdastjóri Verkís, og Snæbjörn Jónsson, stjórnarformaður Verkís, styrki til þriggja aðila sem vinna mikilvæg störf í þágu samfélagsins. Styrkina hlutu Barnaspítali Hringsins, Neistinn – félag til stuðnings hjartveikum börnum, og Stuðlar – meðferðarstöð fyrir börn og unglinga.

Verkís leggur áherslu á að styðja verkefni sem stuðla að bættri líðan barna og unglinga, auk stuðnings við fjölskyldur þeirra. Með styrkveitingunni vill fyrirtækið hvetja þessi félög til að halda áfram að vinna ómetanlegt starf í þágu samfélagsins.

Við þökkum Verkís innilega fyrir styrkinn og óskum þeim öllum gleðilegrar hátíðar.

Föstudaginn 1.nóvember þá hittist saman hópur foreldra hjartveikra barna og meðlimir Takts og spiluðu saman félagsvist.

Árlegur viðburður hjá Neistanum sem slær alltaf í gegn. Við áttum saman góða kvöldstund og allir voru leystir út með happdrættisvinning.

Berglind og Ágúst stóðu uppi sem sigurvegarar með flest stig og fengu í vinning hótelgistingu.

Hlökkum til að spila aftur með ykkur að ári liðnu.

Helgina 23.-24.nóvember verða haldnar Systkinasmiðjur á vegum Umhyggju í salnum á Háaleitisbraut 13, 4. hæð.

Yngri hópur (8-12 ára, f. 2013-2016) hittast á laugardegi og sunnudegi frá 10-13.

Eldri hópur (12-14 ára, f.2010-2012) hittist á laugardegi og sunnudegi frá 13.30-15.30.

Hér er að finna frekari upplýsingar og hlekk á skráningu: https://www.umhyggja.is/is/frettir/systkinasmidjur-helgina-23-24-november