Skip to main content
search
0
Category

Fréttir

By Fréttir

Núna eru liðnir nokkrir dagar frá Reykjavíkurmaraþoninu, og búið að loka fyrir áheitasöfnun.

Í ár hlupu hátt í 120 manns fyrir félagið, og söfnuðu hvorki meira né minna en 3.332.385 krónum!

Við viljum þakka öllum hlaupurunum okkar, sem og öllum þeim sem hétu á þá, og að sjálfsögðu öllum sem mættu á hvatningarstöðina og hvöttu hlauparana áfram!

Viljum færa Farva hjartans þakkir fyrir að gefa öllum þeim sem hlupu 10 km, 21 km og 42 km hlaupaveggspjald til minningar um hlaupið. Takk fyrir okkur !

 

Hjartans þakkir fyrir okkur, ykkar framlag er okkur ómetanlegt!

ágúst 24, 2017

Nú eru aðeins 3 dagar í hlaup !

By Fréttir

Nú styttist í Reykjavíkurmaraþonið sem mun fara fram þann 19. ágúst n.k.

Skráningarhátíðin fer fram þann 17. og 18. ágúst í Laugardalshöllinni, og við hvetjum alla til að koma við hjá okkur þegar þeir sækja númerin sín!

 

Reykjavíkurmaraþonið hefur verið ein af okkar stærstu fjáröflunarleiðum undanfarin ár, og skiptir félagið mjög miklu máli en um 70 börn á ári greinast á Íslandi  með hjartagalla. Við erum endalaust þakklát öllum hlaupurunum okkar og öllum sem hafa hvatt þá áfram og heitið á, og með  því styrkt við starf félagsins

 

Til þess að sýna þakklæti okkar ákváðum að gefa öllum hlaupurum Neistans dry-fit bolimerkta félaginu og einnig munu þeir sem hlaupa 10 km, 21 km og 42 km fá hlaupaplakat í boði Farva !

 

Fjöldinn allur af flottu fólki ætlar að hlaupa fyrir Neistann í ár og bætist sífellt á listann!

Við viljum hvetja alla hlaupara til að minna á sig, og nota “hashtöggin” #Neistinn #ÉghleypfyrirNeistann, #skiptirekkimáliámeðanþúklárar og #Reykjavikurmarathon

 

Og eins og áður verður Neistinn með skemmtilega hvatningarstöð  á hlaupaleiðinni við JL húsið (kort hér) sem við að sjálfsögðu hvetjum alla til að mæta á og hvetja hlauparana okkar!

 

Hér er hægt að skoða hlaupara Neistans og heita á þá – ÁFRAM NEISTINN!

ágúst 16, 2017

Nú styttist í hlaup !

By Fréttir

Nú styttist óðum í Reykjavíkurmaraþonið sem er ein af okkar stærstu fjáröflunum!

Fjöldinn allur mun hlaupa fyrir Neistann þann 19. ágúst næst komandi, en þetta er félaginu ómetanlegur stuðningur.
Til þess að sýna þakklæti okkar gefum við öllum hlaupurum Neistans dry-fit boli merkta félaginu;
endilega hafið samband við Neistann í s: 899-1823 eða senda póst á frida@neistinn.is
 
Við viljum hvetja alla hlaupara til að minna á sig, og nota “hashtöggin”#Neistinn #ÉghleypfyrirNeistann, #skiptirekkimáliámeðanþúklárar og #Reykjavikurmarathon
Og eins og áður verður Neistinn með skemmtilega hvatningarstöð á hlaupaleiðinni við JL húsið sem við að sjálfsögðu hvetjum alla til að mæta á og hvetja hlauparana okkar!
Endilega fylgist vel með á Ég hleyp fyrir Neistann en það munu koma fram upplýsingar bæði fyrir hlaupara, sem og þá sem hvetja þá áfram!

Hér er hægt að skoða hlaupara Neistans og heita á þá – ÁFRAM ÞIÐ!

júní 29, 2017

Kökubasar

By Fréttir

Vinkonurnar Móey María og Margrét Júlía í 10.bekk í Salaskóla voru með fjáröflun á dögunum fyrir Neistann. Þær voru með kökubasar þar sem þær tóku niður pantanir, bökuðu og seldu kökur fyrir 81.668 krónur en þetta var liður í þemaverkefni í skólanum þeirra. Kornax og Katla styrktu þær í bakstrinum sem nýttist þeim vel í þessu verkefni.

Við færum þessum metnaðarfullu og flottu stelpum hjartans þakkir fyrir styrkinn.

 

júní 28, 2017

Styrkur

By Fréttir

 

Lionsklúbbur Reykjavíkur færði á dögunum Neistanum veglegan styrk að gjöf.

Þessi stóra gjöf er ómetanleg fyrir starfið okkar og sömuleiðis hvatning og mikilvæg viðurkenning.

Við færum Lionsklúbb Reykjavíkur hjartans þakkir fyrir !

maí 31, 2017

Unglingahópur Neistans

By Fréttir

Pizza spjall

Unglingahópur Neistans hittist í byrjun vikunnar og áttu þau skemmtilega kvöldstund saman.

Gunnlaugur Sigfússon hjartalæknir mætti og snæddi með þeim pizzu og átti með þeim létt spjall.

Gaman að sjá hversu góð mætting er á hittingana hjá unglinga hópnum  og hversu samheldinn þau er.

 

maí 19, 2017

Lionsklúbburinn Fjölnir

By Fréttir
Lionsklúbburinn Fjölnir færði Neistanum, styrktarfélagi hjartveikra barna, 10 milljóna króna peningagjöf.
Það er hæsti styrkur sem íslenskur Lionsklúbbur hefur veitt einum og sama aðilanum.

Árlega fæðast um 70 börn með hjartagalla hér á landi, eða 1,7% allra barna sem fæðast. Neistinn, styrktarfélag hjartveikra barna, styrkir árlega fjölda fjölskyldna sem þurfa að fara með börn í hjartaaðgerðir erlendis. Lionsklúbburinn Fjölnir hóf söfnun fyrir Neistann vorið 2016 með sölu á DVD diski um ferðalag keisaramörgæsanna.

Þórir Jensen, formaður Lionsklúbbsins Fjölnis, segist ánægður að geta stutt Neistann. „Já, þetta hefur verið talið mjög gott málefni. Þetta er erfitt hjá öllum sem lenda í þessu að eiga fyrir þeim útlagða kostnaði sem fólk þarf að bera til að fara með börnin sín í svona aðgerðir,“ segir Þórir.

Allur ágóði söfnunarinnar rennur til Neistans, eða um tíu milljónir króna, sem er hæsti styrkur sem íslenskur Lionsklúbbur hefur veitt einum aðila. Elín Eiríksdóttir, formaður Neistans segir styrkinn afar kærkominn. „Já það hjálpar rosalega mikið, að létta undir þegar fólk verður fyrir vinnutapi, að þurfa ekki að hafa fjárhagsáhyggjur ofan í það,“ segir Elín.

Og Elín þekkir af eigin raun hvað Neistinn skiptir miklu máli, en fjölskyldan hefur þrisvar farið með son hennar til Svíþjóðar í opna hjartaaðgerð. „Þannig að það hefur hjálpað okkur fjölskyldunni mjög mikið að hafa styrktarsjóðinn á bak við okkur,“ segir Elín.

maí 17, 2017
Close Menu