Fríða Björk Arnardóttir

Aðalfundur Neistans verður haldinn fimmtudaginn 4. maí n.k. klukkan 20:00.

Fundurinn verður haldinn í húsnæði félagsins Háaleitisbraut 13, 4. hæð.

Dagskrá:

1. Kosning fundarstjóra og ritara
2.  Skýrsla stjórnar
3. Reikningar félagsins lagðir fram
4. Reikningar Styrktarsjóðs hjartveikra barna lagðir fram
5. Ákvörðun félagsgjalds
6. Kosning skoðunarmanns reikninga
7. Lagabreytingar
8. Kosning stjórnar*

*Kosið verður í 3 sæti í stjórn til tveggja ára.

Þeir sem hafa áhuga á að bjóða sig fram eru beiðnir um að láta vita eigi síðar en 5 dögum fyrir aðalfund með því að senda tölvupóst á netfangið neistinn@neistinn.is.

Tillögur að lagabreytingu ( lög neistans )skulu berast skrifstofu Neistans eigi síðar en 4 vikum fyrir aðalfund ( 6.apríl í síðasta lagi).

Við vekjum athygli á því að aðeins þeir sem eru félagsmenn og hafa greitt félagsgjöldin a.m.k. 14 dögum fyrir aðalfund hafa atkvæðisrétt.

Góðgerðarp­izza Dom­ino‘s þetta árið safnaði 7,3 millj­ón­um fyr­ir Neist­ann, styrkt­ar­fé­lag hjartveikra barna.

Þetta er 10. árið í röð sem að góðgerðarp­izza er á boðstól­um hjá Dom­ino‘s en öll sala góðgerðarp­izzunn­ar hef­ur farið óskipt til góðgerðasam­taka ár hvert.

Hrefna Sætr­an hef­ur unnið með Dom­ino‘s að góðgerðarp­izzunni frá upp­hafi og gefið alla sína vinnu tengda verk­efn­inu og í ár var eng­in breyt­ing þar á, og MS og Ali styrktu verk­efnið með hrá­efn­um líkt og árin á und­an.

Við erum ótrú­lega þakk­lát fyr­ir þetta frá­bæra fram­tak Dom­ino‘s og að hafa valið okk­ur í ár og Hrefnu fyr­ir að út­búa þessa dá­sam­lega góðgerðarp­izzu. Styrk­ur­inn mun nýt­ast í að út­búa nýtt fræðslu- og upp­lýs­inga­efni fyr­ir aðstand­end­ur hjart­barna og hjarta­börn­in sjálf. Hjart­ans þakk­ir til allra viðskipta­vina Dom­ino‘s fyr­ir að kaupa góðgerðarp­izzuna í ár og hjálpa okk­ur þar með að stuðla að betri þjón­ustu fyr­ir hjartveik börn og þeirra fjöl­skyld­ur.

Þessi frábæri hópur unglinga sem eru á leiðinni í norrænar sumarbúðir fyrir hjartveik börn í Finnlandi í sumar hittust síðastliðinn þriðjudag.

Þau áttu saman frábæra stund saman í leikjasalnum í Smárabíó og borðuðu síðan saman pizzu.

Tilgangurinn með þessum hittingi var að þjappa saman hópnum svo þau myndu kynnast hvort öðru áður en þau myndu eyða saman viku í Finnlandi.  Þau áttu saman ótrúlega skemmtilega stund  þar sem þau náðu að kynnast hvort og spjalla um sumarbúðirnar.

Mikil spenna er fyrir sumarbúðunum í ár og einstakt tækifæri fyrir hjartveika unglinga að fara og kynnast öðrum unglingum sem eru að upplifa það sama og þau ❤️

Alþjóðleg vitundavika meðfæddra hjartagalla er hafin. Neistinn ásamt Takti taka að sjálfsögðu þátt í henni. Við munum vera enn sýnilegri á samfélagsmiðlum þessa vikuna. Einnig munu glöggir borgarbúar taka eftir einstaklega fallegum auglýsingum í strætóskýlum víðsvegar um borgina ef þeir eru heppnir. Þau okkar sem eru ekki mikið á ferðinni fá að sjá þessar fallegu myndir á samfélagsmiðlum og hér á heimasíðunni okkar. 

Við fengum til liðs við okkur frábærar listakonur til að setja svip sinn á vitundavikuna og gera hana eftirminilega. Það sem við erum heppin með hæfileikaríkt fólk sem hefur tök á að vekja athygli á félaginu okkar. 

Fjöllistakonan Sunna Ben af sinni einskæru lagni tók magnaðar myndir af hjartahetjunum okkar sem við fáum að njóta góðs af. Með sinni einstöku hlýju og þolinmæði náði hún að mynda 25 hjartahetjur. Eftir að hafa fylgst með henni að störfum held ég að enginn fari frá henni með slæmar minningar. Takk kærlega fyrir okkur kæra Sunna!

Í annað sinn erum við svo heppin að vera í samstarfi við gullsmiðinn EddóDesign, Erlu Gísladóttur, en árið 2020, í vitundarvikunni,  rann allur ágóði af sölu einstakra hringa sem heita Hjartagull til Neistans. Núna hefur hún hannað hálsmen sem einnig heitir Hjartagull og er í stíl við hringinn sem margir bera nú þegar. Eins og hún segir sjálf á síðunni sinni:

Líkt og í hinum sígilda Hjartagull hring er baugurinn sjálfur úr 925S silfri međ hamraðri áferð. Hann er um það bil 12mm í þvermál. Á hverjum baug kùrir svo lítil sæt 14k gullkúla.  Menið kemur á 45cm silfurkeðju.  Öll hálsmenin eru handsmíðuð og einstök. 

Við erum mjög spennt að sjá hversu mörg okkar ætlum að rjúka til og kaupa hálsmen í stíl við hringana okkar. Við erum EddóDesign mjög þakklát fyrir að taka aftur þátt í þessari viku með okkur. 

Við erum mjög heppin með fólk í kringum okkur sem vill leggja hönd á plóg. Vigdís Andersen er vinkona hjartahetju tók að sér það mikilvæga verkefni að vinna með og merkja myndirnar Neistanum og vitundavikunni sem fara í dreyfingu í strætóskýlum, á samélagsmiðla og í prent. 

Sólveig Rolfsdóttir sem er móðir hjartahetju bjó til fallegu myndirnar sem við getum sett í forsíðumyndir eða bara deilt á samfélagsmiðlum sem segir til um tengslin við hjartahetjurnar okkar og sem hjartahetjurnar geta sjálfar notað. Það er hægt að nálgast þessar myndir á facebook síðu Neistans. 

Takk fyrir okkur Vigdís og Sólveig ❤️

Eins og fyrri ár fá öll börn sem fæðast 7.-14. febrúar rauðar hjálmhúfur að gjöf frá Neistanum. Þetta væri ekki hægt nema fyrir svakalega duglega prjónara um allt land sem prjóna húfurnar í sjálfboðavinnu og koma svo húfunum til okkar. Húfurnar eru svo merktar með upplýsingum um hver prjónaði og um vitundavikuna. Þetta er mjög skemmtilegt og fallegt verkefni. Okkur þætti svo gaman ef við fáum svo myndir af börnunum með fínu húfurnar sínar. Enn og aftur erum við full þakklætis öllum sem tóku sér tíma og prjónuðu húfur í þetta krúttverkefni. Húfurnar eru prjónaðar eftir uppskrift Margrétar Hörpu Garðarsdóttur hjartamömmu. 

Þann 9. febrúar verður blóðsöfnunardagur blóðbankans og Neistans. Það er ótrúlega mikilvægt að blóðbankinn sé vel byrgður og viljum við leggja okkar af mörkum og hvetja alla okkar félagsmenn, og auðvitað alla sem tök hafa á, til að flykkjast í Blóðbankann og gefa blóð! 

Opnunartími á Snorrabraut í er frá 8:00-19:00 og á Akureyri frá 10:00-17:00

Neistinn verður á staðnum á Snorrabraut og hlakkar til að taka á móti blóðgjöfum. 

Á samfélagsmiðlum erum við með ótrúlega skemmtilegt verkefni í gangi. Það gengur út á það að taka eftir hjörtunum í umhverfinu. Smelltu mynd af hjörtunum sem þú sérð og merktu með myllumerkjunum #Hjortunokkar, #neistahjortu, #sjaumhjortu og #hjortunokkar á instagram. Það verður gaman að sjá allar þessar myndir og átta sig á hvað hjörtun leynast víða. 

Vitundavikan 2023 verður eftirminnileg og skemmtileg, það erum við viss um. Ef þið þekkið hjartahetju grípið í mynd sem á við á facebook síðu Neistans og skellið í nýja forsíðumynd eða deilið á samfélagsmiðlum. Það er gaman að sjá hvað margir eru svo heppnir að þekkja hjartahetju eða hjartaengil. 

Kaupið hálsmen frá EddóDesign og njótið myndanna sem Sunna Ben tók af hetjunum okkar. 

en umfram allt

Njótið vitundarviku meðfæddra hjartagalla 2023 ❤️

3. febrúar er alþjóðlegur klæðumst rauðu dagurinn. Við hvetjum alla okkar félagsmenn og vini að klæðast rauðu þennan dag og vekja athygli á meðfæddum hjartagöllum og hjartasjúkdómum.

Okkur þætti ótrúlega vænt um að þið mynduð deila myndum af ykkur á samfélagsmiðlum og merkja okkur @neistinn og Takt @takturguch   

Í gær afhentu feðgarnir Ragnar og Guðmundur Neistanum  4.581.390 krónur sem söfnuðust þegar fjöldi fólks lagði leið sína á Lauga-ás vikuna 9.-15.janúar. 

Styrkir af þessum toga eru ómetanlegir fyrir starf Neistans en með þeim getum við haldið úti og aukið við ýmsa þjónustu til fjölskyldna hjartveikra barna, svo sem eflt styrktarsjóðinn, haldið viðburði og styrkt unglingastarfið.

Við erum þakklátari en orð fá lýst þeim feðgum, starfsfólki Lauga-ás, birgjunum sem gáfu sínar vörur, félagsmönnum og hjartabörnum sem stóðu vaktina með okkur og öllum þeim sem komu og áttu fallega stund með okkur ❤️

Við erum Laugaás ótrúlega þakklát og hlökkum til að takast á við þessa viku með þeim ❤️

Hægt verður að koma á staðinn á milli 11:00-20:00 vikuna 9.-14.janúar eða hringja í síma 553-1620 og panta borð.

Mikið hefur verið spurt hvort hægt sé að leggja beint inn á okkur og það er hægt með því að leggja inn á reikning 0101-15-375452 kennitala 490695-2309 ❤️

Dyr veitingastaðarins Laugaás verða opnaðar að nýju næsta mánudag, 9.janúar og verður opið til 14.janúar, opið verður frá 11:00-20:00 þessa daga.

Félagsmenn og velunnarar Neistans munu hjálpa til við uppvask, framreiðslu, afgreiðslu o.fl. og hvetjum við alla til að kíkja við, styðja við Neistann og kveðja frábært veitingahús.

Í viku munu allar tekjur staðarins renna til Neistans ❤️