Leikhúsferð á Fíu Sól

Neistinn býður félagsmönnum og meðlimum Takts að kaupa miða á þessa frábæra sýningu – Fíasól gefst aldrei upp. 

Miðaverð er niðurgreitt af Neistanum og er miðverð fyrir félagsmenn aðeins 2500 kr á mann.

Bóka þarf miða með því að senda tölvupóst á neistinn@neistinn.is með ósk um fjölda miða  og við sendum ykkur nánari upplýsingar.

ATH við erum með takmarkaðann miðafjölda og er því gott að vera með hraðar hendur til að missa ekki af þessu frábæra tilboði ❤️❤️

Neistinn býður uppá skyndihjálparnámskeið fyrir foreldra og forráðarmenn hjartabarna og meðlimi Takts.

Um er að ræða skyndihjálparnámskeið  þar sem lögð verður áhersla á skyndihjálp hjartabarna.
Námskeiðið verður haldið miðvikudaginn 18. október kl 20:00 í húsnæði Neistans, Háaleitisbraut 13.

Skráning fer fram á netfangi Neistans, neistinn@neistinn.is, taka þarf fram nafn/nöfn þeirra sem sækja munu námskeiðið.

Við vekjum athygli á því að einungis fyrir félagsmenn Neistans og Takts❤️

Takmarkaður fjöldi kemst á námskeiðið og því viljum við hvetja ykkur til að skrá ykkur sem fyrst ef þið hafið áhuga og getu á að koma til að við sjáum fjöldann.

Ef aðsókn verður mikil munum við reyna að koma á aukanámskeiði.

Leiðbeinandi námskeiðsins er Guðrún Ösp Theodórsdóttir 41 árs bráðahjúkrunarfræðingur úr Keflavík, með 16 ára reynslu af bráðamóttöku og hefur verið leiðbeinandi í skyndihjálp frá árinu 2016. Þá hefur hún einnig haft viðkomu í ýmsum öðrum störfum m.a. sem verkefnisstjóri skyndihjálpar hjá Rauða krossinum, kennt teymisvinnu á Landspítala og sem flugfreyja hjá Icelandair. Hún býr í Reykjanesbæ, er í sambúð og á fjórar dætur á aldrinum 9-25 ára, köttinn Nölu og hvolpinn Mána. Guðrún Ösp var sjálf langveikt barn og á langveika dóttur.

Henni til aðstoðar verður Gyða Valdís Guðmundsdóttir, hjúkrunarfræðingur hjartateymis Barnaspítala Hringsins. Gyða hefur starfað við hjúkrun frá árinu 2008, útskrifaðist með master í barnahjúkrun vorið 2021 og hefur starfað við barnahjúkrun síðastliðin 12 ár, bæði á Íslandi og í Danmörku og Noregi”

Árshátíð fyrir félagsmenn Neistans og Takts sem hafa náð 18 ára aldri verður haldin hátíðleg 14. október 2023!

Húsið opnar kl 18:30 með fordrykk og mun Grillvagninn síðan sjá um að enginn fari út í nóttina svangur.

Veislustjórar kvöldsins munu halda uppi fjörinu í veislunni þangað til að Dj Spotify tekur við keflinu.

Happdrættið verður á sínum stað með stórglæsilegum vinningum ásamt því að hægt verður að festa gleðina á filmu í myndabásnum fræga !

Kaffi og gos í boði en aðra drykki komum við með okkur sjálf 🥂

Verðið eru litlar 6000 kr á haus og millifærsla fer inn á eftirfarandi reikning: 0133-26-011755 kt: 490695-2309 og senda svo staðfestingu á neistinn@neistinn.is

Hægt er að skrá sig og greiða til 11.október og miðar verða afhentir við innganginn

Hlökkum til að sjá ykkur og eiga frábæra stund saman 

Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum yfir jól og áramót 2023.

Umsóknarfrestur rennur út 1. október og verða allar umsóknir teknar í úthlutunarferli eftir þann tíma. Niðurstöðu úthlutunar er að vænta í kringum 10. október.

Orlofshúsin eru leigð annars vegar frá 23. – 28. desember (jól) og hins vegar 28. desember til 2. janúar (áramót).

Sótt er um hér 

Neistanum var boðið að taka þátt í 8th World Congress of Pediatric Cardiology and Cardiac Surgery, sem var  í Washington, DC dagana 27.ágúst -1.september síðastliðinn.

Á ráðstefnunni voru um 5,750 manns samankominn frá 117 löndum til að læra, deila og efla þekkingu sína á meðfæddum hjartagöllum.

Við erum Global Arch einsaklega þakklátt fyrir að bjóða okkur að koma og taka þátt í þessari mögnuðu ráðstefnu ásamt því að taka þátt í auka ráðstefnu dagana 25.-26.ágúst sem var aðeins fyrir meðlimi Global Arch.

Fríða Björk Arnardóttir, framkvæmdastjóri Neistans og Jónína Sigríður Grímsdóttir, formaður voru á ráðstefnunni fyrir hönd Neistans.

Við fengum tækifæri til að kynna okkar starfsemi  fyrir þátttakendum ráðstefnunar, sitja óteljandi fræðandi fyrirlestra um meðfædda hjartagalla ásamt því að Fríða Björk fékk veggspjald sitt samþykkt og var með kynningu á því. 

Þetta var ákaflega auðgandi reynsla af gagnkvæmu námi, tengslamyndun, valdeflingu sjúklinga og fjölskyldna, heilsueflingu og mótun framtíðaráherslna fyrir fólk með meðfædda hjartagalla ❤️

Núna eru liðnir nokkrir dagar frá Reykjavíkurmaraþoninu, og búið að loka fyrir áheitasöfnun.

Í ár söfnuðust hvorki meira né minna en 4.075.490 krónur !

Við viljum þakka öllum hlaupurunum okkar, sem og öllum þeim sem hétu á þá, og að sjálfsögðu öllum sem mættu á hvatningarstöðina og hvöttu hlauparana áfram!

Takk fyrir okkur ♥ Takk fyrir að vera sýnileg og vekja athygli á okkar fallega félagi ♥

Hjartans þakkir fyrir okkur, ykkar framlag er okkur ómetanlegt ♥

Eftir of langa pásu höfum við ákveðið að byrja með hjartamömmuhittinga aftur ❤️

Við byrjuðum á fyrsta hitting 25.maí síðastliðinn og hann gekk vonum framar.

Það var frábær mæting og fullt af nýjum hjartamömmum sem gátu sagt sína sögu og fengið aðrar reynslusögur frá þeim eldri í leiðinni. Notalegt kvöld á Háaleitisbrautinni stútfullt af kærleik og nýjum meðlimum.

Vegna mikillar eftispurnar og ánægju með þann hitting ákváðum við að hittast aftur 15.ágúst og sá hittingur gekk einnig mjög vel. Sérstakar óskir um að halda hittinga oftar bárust og við munum verða að þeim óskum. Markmiðið er að halda hjartamömmuhitting einu sinni í mánuði út vetrartímann.

Við hvetjum allar hjartamömmur ungar sem aldnar að mæta og njóta samverunnar með okkur. Það er einstaklega gott að hitta mömmur í svipaðri stöðu og maður sjálfur sem skilja mann og allt sem fylgir því lífi að eiga hjartveikt barn. Síðan er líka yndislegt að tala um eitthvað allt annað en það sem tengist börnunum okkar en samt sem áður í hópi af mömmum sem skilja þá hlið einnig.

Næsti hittingur verður í september, dagsetning og tímasetning verða auglýstar inná hjartamömmuhópnum á facebook.

Hlökkum til að sjá ykkur í næsta mömmuhitting ❤️

Miðvikudaginn 9.ágúst síðastliðinn var Sumarhátíð Neistans haldin með glæsibrag í Guðmundarlundi í Kópavogi.

Veðrið lék við okkur meðan á hátíðinni stóð okkur öllum til mikillar gleði.

Okkar frábæru stjórnarmeðlimir grilluðu pyslur fyrir hátíðargesti sem nutu þess að borða pylsur í frábæra veðrinu, einnig var í boði gos og svalar fyrir þyrsta gesti.

Eftir pylsur var boðið uppá snakk og ísbíllinn átti að koma en því miður kom hann ekki og engin leið að ná sambandi við hann svo við biðjumst innilegrar afsökunar á því. En við bætum það upp með góðum ís á næstu sumarhátíð.

Lalli töframaður kom og var með frábæra sýningu fyrir allan aldurshóp og sló í gegn líkt og önnur ár sem hann hefur komið til okkar bæði á sumarhátíð og árshátíð. Við þökkum honum kærlega fyrir frábæra skemmtun.

Ekki var það eina uppákoman heldur komu þarna allskyns fígúrur frá Prinsessur.is sem ræddu við börn sem og fullorðna, gáfu límmiða og sýndu alskyns listir.Þetta voru þau Elsa, Anna og Kristján úr Frozenfjölskyldunni og góðvinur þeirra hann Spiderman.

Börnin voru hæstánægð og þau sem vildu fengu myndir af sér með þessum glæsilegu fígúrum. Við þökkum þeim kærlega fyrir komuna og gleðina sem fylgdi þeim 🥰

Ekki voru eingöngu uppákomur á sumarhátíðinni heldur er einnig glæislegur leikvöllur í Guðmundarlundi með rennibrautum, þrautabrautum og rólum sem allir gestir höfðu aðgang að. Neistinn fékk lánaða frisbígolfdiska svo gestir gætu spreytt sig í frisbí á frábæra vellinum þarna í kring. Minigarðurinn lánaði okkur síðan kylfur fyrir börn sem og fullorðna svo hægt væri að spila minigolf á fína minigolfvellinun sem er staðsettur í miðjum lundinum.

Heilt yfir var þetta vel heppnuð og skemmtileg sumarhátíð með frábæru veðri og enn betri mætingu

Þökkum öllum sem komu og áttu guðdómlega stund með okkur á sumarhátíðinni þetta árið og hlökkum til að sjá sem flesta á þeirri næstu ❤️

Sérstakar þakkir til samstarfsaðila sem hjálpuðu okkur að gera þessa sumarhátíð að veruleika.

Sumarkveðjur ☀️

Guðrún og Elín