Fríða Björk Arnardóttir

Nú styttist í Reykjavíkurmaraþonið sem mun fara fram þann 18. ágúst n.k.

Skráningarhátíðin fer fram þann 16. og 17. ágúst í Laugardalshöllinni, og við hvetjum alla til að koma við hjá okkur þegar þeir sækja númerin sín!

Reykjavíkurmaraþonið hefur verið ein af okkar stærstu fjáröflunarleiðum undanfarin ár, og skiptir félagið mjög miklu máli en um 70 börn á ári greinast á Íslandi  með hjartagalla. Við erum endalaust þakklát öllum hlaupurunum okkar og öllum sem hafa hvatt þá áfram og heitið á, og með  því styrkt við starf félagsins

Til þess að sýna þakklæti okkar ákváðum að gefa öllum hlaupurum Neistans dry-fit bolimerkta félaginu.

Fjöldinn allur af flottu fólki ætlar að hlaupa fyrir Neistann í ár og bætist sífellt á listann!

Við viljum hvetja alla hlaupara til að minna á sig, og nota “hashtöggin” #Neistinn #ÉghleypfyrirNeistann, #skiptirekkimáliámeðanþúklárar og #Reykjavikurmarathon

Og eins og áður verður Neistinn með skemmtilega hvatningarstöð  á hlaupaleiðinni við JL húsið (kort hér) sem við að sjálfsögðu hvetjum alla til að mæta á og hvetja hlauparana okkar!

Hér er hægt að skoða hlaupara Neistans og heita á þá – ÁFRAM NEISTINN!

Lokað vegna sumarleyfa.

Skrifstofa Neistans verður lokuð frá 3. júlí til og með 7. ágúst 2018. Hægt verður að hafa samband í síma 899-1823 ef eitthvað kemur upp á þessum tíma.

Minnum á heimasíður félaganna neistinn.is

Sumarhátíð Neistans var haldinn sunnudaginn 10.júní síðastliðinn í Björnslundi. Hátíðin heppnaðist prýðisvel og fengum við milt og gott veður þennan dag. Hoppukastali var á svæðinu sem er alltaf vinsæll hjá börnunum. Blaðrarinn mætti til að gleðja börnin, tvær snilldar stelpur sáu um andlitsmálingu og allir fengu grillaðar pylsur og drykk.  Að lokum fengu allir ís frá ísbílnum.

Einstaklega velheppnuð sumarhátíð og þökkum við öllum styrktaraðilum kærlega fyrir stuðninginn: Iceland,SS, Ísbílnum, Sprell.is, Vífilfell og Blaðraranum.

Takk allir sem komu og áttu góða stund með okkur ♥

Sumarhátíð Neistans verður haldinn í Björnslundi í Norðlingarholti sunnudaginn 10.júní frá 14:00-17:00.

Dagskrá hátíðarinnar verður að vanda fjölbreytt, blaðrarinn mætir á svæðið, hoppukastalar, ísbílinn, andlitsmáling, grill og gleði 🙂

Hlökkum til að eiga góðan dag með ykkur ♥

Forseti Íslands tók á móti Jamie Carragher, fyrrverandi leikmanni Liverpool, fulltrúum Liverpoolklúbbsins á Íslandi og Neistans, styrktarfélags hjartveikra barna. Carragher er hér á landi ásamt vinum og ættingjum. Í móttökunni afhenti stjórn Liverpoolklúbbsins forystuliði Neistans myndarlegan styrk sem klúbbsmenn söfnuðu.

Hjartans þakkir fyrir okkur !

Stofnfundur Takts var  haldinn fimmtudagskvöldið 10.maí sl. Góð mæting var á fundinn og var fyrsta stjórn Takts var samþykkt. En hana skipa Birkir Árnason formaður, Margrét Ásdís Björnsdóttir varaformaður, Helena Rós Tryggvadóttir gjaldkeri, Jakob Petersen ritari, Þórunn Stefánsdóttir samfélagsmiðlar, Aron Ingi Sigurðsson og Guðný Sif meðstjórnendur