Nú styttist í sumarhátíð Neistans!
Hún verður haldin fimmtudaginn 11. ágúst kl 17-19 í Guðmundarlundi – Kópavogi, SJÁ KORT HÉR).
Það verður dúndur grillpartý, íspinnar, Lalli töframaður, hestar, minigolf og frisbígolf !
Endilega fylgist vel með hér !
Við hlökkum til að sjá ykkur
Ertu á leiðinni í málingarverkefni ? Þú getur fengið að minnsta kosti 20% afslátt af málingu og verkfærum og á sama tima styrkt Neistann ❤️
Þú getur heimsókt næstu Flügger verslun og verslað í gegnum staðgreiðslureikning Neistans og þú færð afslátt og styrkir okkur í leiðinni ❤️
Neistinn leitar eftir ofurhugum til að hlaupa fyrir ofurhetjurnar okkar! Reykjavíkurmaraþonið er helsta fjáröflunarleið Neistans ár hvert og hafa fjölmargir hlaupið fyrir félagið í gegnum tíðina, svo núna leitum við eftir flottu fólki til að skrá sig inná hlaupastyrk og safna áheitum!
https://www.rmi.is/hlaupastyrkur/godgerdamal/394-neistinn-styrktarfelag-hjartveikra-barna
Neistinn lofar fjörugri hvatningarstöð á hlaupadegi, einnig verður Neistinn með aðstöðu til að afhenda hlaupagöng á Fit and Run Expo tveimur dögum fyrir hlaup.
Okkur hlakkar mikið til að hitta alla þá flottu hlaupara sem ætla að standa við bakið á Neistanum!
Unglingahópur Neistans hittist loksins aftur síðastliðinn miðvikudag í Egilshöllinn.
Allir spiluðu saman keilu og fengu sér síðan pizzu og gos. Mætingin var mjög góð og allir skemmtu sér ótrúlega vel og ánægð að unglingastarfið sé byrjað aftur !
Mikið spjallað saman og nýjar vináttur mynduðust. Erum ótrúlega ánægð með þennan flotta hóp og hlökkum til að sjá hann blómstra ❤️
Unglingastarf Neistans er styrkt af heilbrigðisráðuneytinu.
Ég skráði mig í Neistann um leið og dóttir okkar fæddist árið 2002 og þurfti til Boston í aðgerð.
Neistinn styrkti okkur eftir þá ferð og vildum við strax fá að borga Neistanum til baka en það höfum við fjölskyldan gert í tuttugu ár með sjálfboðastarfi og stjórnarsetu.
Við erum félaginu ævinlega þakklát fyrir allan þann stuðning sem félagið hefur ávallt veitt okkur og vinskap sem við höfum eignast í gegnum félagið.
Guðrún Bergmann Franzdóttir
Ég heiti Elín Eiríksdóttir, mamma Hákons Torfa hjartastráks sem er alveg að verða 8 ára.
Neistinn tók á móti okkur þegar hann fæddist og fylgdi okkur fyrstu skrefin þangað til við náðum áttum í nýjum heimi.
Ég var komin í stjórn Neistans nokkrum mánuðum seinna og er komin aftur eftir nokkurra ára hlé.
Mér finnst frábært að geta gefið til baka fyrir frábæra félagið okkar sem styður svo vel við hjartabörn og fjölskyldur þeirra.
Nú er loksins komið að því eftir tveggja ára bið! Það er hægt að hlaupa fyrir Neistann í Reykjavíkurmaraþoninu 2022.
Neistinn leitar eftir ofurhugum til að hlaupa fyrir ofurhetjurnar okkar! Reykjavíkurmaraþonið er helsta fjáröflunarleið Neistans ár hvert og hafa fjölmargir hlaupið fyrir félagið í gegnum tíðina, svo núna leitum við eftir flottu fólki til að skrá sig inná hlaupastyrk og safna áheitum!
https://www.rmi.is/hlaupastyrkur/godgerdamal/394-neistinn-styrktarfelag-hjartveikra-barna
Neistinn lofar fjörugri hvatningarstöð á hlaupadegi, einnig verður Neistinn með aðstöðu til að afhenda hlaupagöng á Fit and Run Expo tveimur dögum fyrir hlaup.
Okkur hlakkar mikið til að hitta alla þá flottu hlaupara sem ætla að standa við bakið á Neistanum!
Ég heiti Hrafnhildur Sigurðardóttir og kynntist Neistanum þegar ég eignaðist son minn Sigurstein Nóa sem er að verða 13 ára í sumar.
Eftir að hafa notið og tekið þátt í því starfi sem Neistinn hefur uppá að bjóða ákvað ég að leggja fram krafta mína og gefa tilbaka.
Neistinn hefur reynst okkur fjölskyldunni mjög vel en við hjónin eigum þrjú börn ,og þar af tvo hjartaprinsa, sem hafa notið góðs af starfi Neistans.
Það er mér mikill heiður að fá að starfa í stjórn Neistans sem ritari félagsins.
Ég heiti Katrín Brynja Björgvinsdóttir og er gift Eyþóri. Við eigum saman 3 börn.
